頭戴漁夫帽的阿嬌昨日與Juno前後腳現身電台，先到的阿嬌表示不知Juno會出現，但她大方地說：「今日我成日喺度錄音，撞到佢唔出奇！（合照？）撞到先。（怕尷尬？）我OK，公司唔OK，冇計！」記者揚言要拉攏他們合照，阿嬌即唱三聲：「何必呢？」

好難掛住所有朋友

阿嬌又自爆跟Juno已數個月沒有見面及聯絡，連短訊也欠奉，問到是否已分手？阿嬌冷淡地說：「咩分手呀？（突然冷淡？）冇突然，唔係日日要保持SMS同傾電話嘛！（朋友會掛住？）我太多朋友，好難掛得晒。」之後阿嬌託記者向對方「Say Hi！」對於有傳張栢芝再懷孕，阿嬌表示不知情，但或會傳短訊給栢芝，她說：「佢同謝霆鋒兩個都唔鍾意聽電話。」

相隔個多小時後出現的Juno，表示日前才SMS阿嬌，跟阿嬌的說法不同，他無奈地說：「係傳媒諗太多。（冇諗過阿嬌講大話。）即係話我講大話？（分手？）我哋一直係好朋友，何來分手？（阿嬌當你SMS冇到？）冇諗咁多。」此外，他在Blog中上載與性感 模Annie G.拍攝新歌《弱水三千》MV的親熱照，大讚對方性格爽朗。