著名水晶品牌Swarovski昨晚在台灣舉行《秋色伊甸》首飾騷，吳佩慈以一身灰色Dior露背晚裝到場，並宣布兩年後退休︰「不過唔係嫁人！我覺得做藝人好多人跟，拍拖拍得好冇質素，等我做到好女友先諗結婚，依家要努力賺錢，希望賺到九位數字台幣，依家已經達成一半。」她還表示Peter曾向她投訴︰「我知佢好辛苦，做女明星好難，兩年後退休都好，到時大家都睇厭咗我。」

林依晨身穿Tube Dress睇騷，性感又可愛！

林志玲身穿八萬港元的水晶裙現身，她笑言期待看言承旭寫的情信。

被拒出書爆情史

對於退休生活，佩慈直言已有計劃︰「我最想學中醫同寫長篇小說，諗過將同男友嘅愛情故事寫成小說，但好多嘢唔講得！（三級？）係秘密！男友都話唔好。」她本想把男友的舊情史寫成小說《Peter's girl》，但因男友反對而不能實行。

林志玲則身穿由巴黎空運抵台、價值約八萬港元的Daniel Swarovski晚裝裙出席。對於舊緋聞男友言承旭曾透露找人寫了情信給一名刻骨銘心的舊女友，志玲直言也想看︰「我只聽朋友說過！（若收信人係你會好感動？）我唔知道內容，如果有人畀我睇都會睇，好奇嘛！（想佢公開情書係畀你？）我會去問佢，但唔會公開答案！我覺得內容會好精彩，暫時冇收過佢寫嘅情書。」

另外，言承旭日前到度假村拍攝新歌MV，勾起一段荳芽戀的回憶！當時他愛上一名學姐，但又羞於啟齒，沒想到該學姐在畢業時向他送上文具禮盒以表欣賞，他坦言現時還記得這份禮物。