趙碩之（Wylie）最愛夏日長，擁有古銅健康膚色的她，趁夏天來臨成功瘦身，幼腰上乍現腹肌，上圍雖縮水三吋，但仍力保D「Cup數」。對於有E Cup(口靚)模被指僭建，Wylie驚訝地說：「真(口架)？我冇整(口架)！」
趙碩之矢志減肥，原來因曾經被指「太大份」，故她寧願縮減有睇頭的身材，亦要變身纖瘦公主，她說：「之前畀人感覺太大份，我又高大，身材又有肉，覺得唔係咁好囉！所以的起心肝減肥，寧願個人健康啲，手手腳腳都修長啲，希望唔需要騷身材出嚟，都有吸引人嘅地方。」Wylie三圍由以前的36D、25、35減至33D、23.5、34，驕人D Cup屹立不倒，她對減磅後的身材亦很滿意，面形尖了的她不化妝也很Sharp。
不贊成多是非
對於現在嫩模當道，只有21歲的Wylie希望不要被歸類為同一組，她說：「大家都要加油，以前我拍寫真集所以咁多人識，(口靚)模有機會要掌握，最緊要Show自己陽光一面，唔好過分鬥爭。（佢哋好多是非？）係呀！出面會唔鍾意，佢哋咁青春，唔應該有心計同批㬹，我都想抽離，拍多啲戲。」有傳有E Cup(口靚)模僭建身材，Wylie驚訝地說：「吓？我唔會以有色眼鏡睇，我都畀人話整啦！聽咗得啖笑，我冇整(口架)！所以問我回應都係維護佢哋先。」
齋飲唔食見頭暈
Wylie極速減磅獨沽一味靠節食，戒油戒糖，因為Wylie媽咪最叻整甜品和糖水，所以減肥期間Wylie忍得好辛苦。最嚴重的一段時間，是Wylie於7日內主力只飲寶礦力補充能量，不過因此法過度激烈，到第5日她沖涼時終見頭暈，恍似天旋地轉，Wylie之後才大叫怕怕，開始少量進食。
Profile
原 名：趙蔚欣
英文名：Wylie
出生日期：1987年11月18日
三 圍：33D、23.5、34
身 高：172cm
教育程度：大專
演出作品：去年拍攝無綫劇《盛裝舞步愛作戰》及推出《趙碩之－夏》寫真集