不過，人始終是感情動物，單是偷睇脫衣舞的官能刺激又怎能完全滿足這班小小「男子漢」？當然要「談談情，說說愛」，過過拍拖癮才好玩。

夜總會晚晚脫衣舞

雖然漸長大的師兄弟已經有成年人的幻想，但始終仍是好勝鬥強的小孩心性，就連追女仔都要鬥餐死，元秋說：「嗰時啲男仔喺度鬥追女仔，又同啲師妹玩煮飯仔，其實好多對都有好感㗎！不過我哋個個都驚師傅，始終都冇一對可以發展落去。」

除了「女色」，他們還愛刺激，居然學大人抽煙，雖然師傅嚴打煙民，但煙的吸引力實在太大，寧願捱打仍是煙照抽的元華說：「我嗰陣時都有食煙，就算師傅打都照食，我心諗都就嚟滿師，你打得我幾多年！」但並非個個都像元華般任打，不少都是偷偷摸摸地吸煙，此時元秋又想起一件趣事：「有次幾個師兄弟食煙嘅時候師傅殺到，嚇到即刻將支煙收入櫃桶，點知連個櫃桶都燒着埋！」

偷偷吸煙對他們來說，確是刺激無比，成龍還記得和洪金寶偷煙食的日子。原來師母習慣將煙放在枱面及房間內，成龍兩人見有機可乘，不時將師母的煙仔「袋袋平安」。

三毛偷煙成龍捱打

但有說「上得山多終遇虎」，成龍就試過偷煙失手被師傅痛打，卻怎料打完才知是食了死貓。有點冤屈的他說：「洪金寶習慣偷枱上面嘅煙，我就會入房偷，一偷就偷一包，實唔會畀人發覺啦！點知有次師傅發現有人偷煙，就進行大逼供，每個師兄弟輪流打，每個打十藤，點知嗰個元武好冇義氣咁篤我出嚟，搞到我又要畀師傅打多次；師傅仲問我邊隻手偷、邊隻手食，仲話我連師母枱上面啲煙都敢偷，我先知原來師傅唔係講緊我，係講緊洪金寶偷嗰啲，就咁食咗死貓啦！」

成長期的少男自是人細鬼大，縱使師傅管教極嚴，有錯必打，仍阻不了他們食煙、溝女、女的生活情趣。事隔數十年的今天，依舊是別有一番滋味在心頭！

身處七小福學堂，過的是有餸要搶、有煙要偷、有交要打、有女要的生活，反叛之餘，不知是苦是樂，能真正過無憂無愁的「快樂日子」，一年中可是「絕無僅有」！