為電視台主持賽馬節目，有「翻版蔡少芬」之稱的模特兒徐碧琪（Pikki）入行5年，曾演出多個廣告，近期的隱形眼鏡廣告令人印象深刻，問到如何在巨胸嫩模中突圍時，她說：「我同佢哋高度同說話能力都唔同啦！嫩模風氣都係一陣，好似以前興玉女咁，但始終大家市場唔同，好難相提並論。」
談及性感底線，Pikki表示不希望靠露肉增加工作量：「靠性感走紅始終唔會Long-term（長久），好似周秀娜咁我都唔想，因為你一性感，人哋覺得你以後都行呢條路線，咁唔會做得好長。我寧願唔好咁多人認得我，咁先會多啲工作吖嘛！」
能言善辯的Pikki希望將來做主持，因能給人有腦及正經的感覺：「我盲舂舂咁入行，之後發現對演藝工作都好有興趣，但最緊要增值，令自己唔係得個空殼，咁先唔會嘥咗啲時間。」