梁漢文（Edmond）一首《住家丁麵》令他成為了煮麵能手，早前Edmond上載的兩條「煮麵」短片由於「收視」理想，公司即為他加碼再展廚藝。日前Edmond便在大廚指導下，炮製多款Fusion即食麵，有台式的「涼拌一丁」、極富口感「四季豆一丁」及野味「星洲一丁」。因烹調方法十分簡單，加上有大廚在旁，Edmond兩三下手勢便煮出幾道菜式，他說：「我平時入屋企嘅廚房係得兩樣嘢，一係煮即食麵，一係攞汽水！」

即場炮製三款Fusion即食麵，連梁漢文亦自誇好味。	梁漢文經常與太太入廚，增添生活情趣。 資料圖片	梁漢文十分留心聽大廚講解配料。

讚「愛心奄列」超得

今次榮升「煮麵廚神」教大家煮麵，Edmond說：「可能做節目睇得多，大概知道程序係點，依家煮到出嚟，仲教到大家，係好有成功感！」問到「打包」給太太Karen品嘗，Edmond笑說：「好呀！」對於太太的廚技，Edmond表示當年拍拖時，女友因不會下廚，故煮了一餐「全豬宴」，又試過差點火燒廚房，烏龍百出，不過他大讚太太結婚後廚藝大有進步，尤其是太太的愛心早餐，令Edmond大讚一百分：「佢煮嘅火腿奄列超得，一邊蛋面係脆口，一邊就係未熟嘅蛋黃流出，加埋火腿絲，出面食都冇咁高水準。」Edmond表示雖然吃「住家飯」的機會不多，但有時間他和太太都輪流入廚「煮麵」，令生活添上情趣。