樣子跟何鴻燊千金超蓮極酷似的「D Cup超蓮」陳麗玲(Norain),憑白滑肌膚及33D身材,迅即成為模界搶手生力軍,但她亦因此失去一段長達四年半的感情。
曾跟周秀娜同公司的陳麗玲(Norain),早前跟前師姐周秀娜出席X Box活動,Norain在床上又趴又瞓,大騷33D驕人身材,因而火速上位。她表示有很多人指她酷似何超蓮,也曾被指似徐子淇及謝安琪,她說:「可能我成日都笑,人哋話我笑得甜,所以先至話似超蓮啩!我係好鍾意笑,所以個名Norain,其實係指冇雨,開心嘅意思。」
22歲的Norain未入行前曾當空姐,母親更曾是訪問政要官員節目的主持人,但Norain未有憑母親的人脈關係而入行:「入行係因為識個攝影師,佢叫我影相做Profile,好快有人搵我拍廣告,純粹係機緣巧合,媽咪好支持我,因為可以令我見識更廣闊,幾多錢都買唔到。」
最滿意鎖骨
出道僅半年的她已拍下不少品牌廣告,她自言十分幸運,更自爆初出道時不愛暴露,她說:「有次跟本雜誌到外地影旅遊特輯,喺陽光海灘嘅環境下着泳裝影相,感覺好健康舒服,加上效果好好,自此先接受到行性感,其實公司都想捧我做性感(o靚)模,我作為新人,認為性感效果係健康就OK,就算人哋只係注意我身材,都唔會介意。其實我最滿意嘅身體部分,唔係胸部,反而係鎖骨。」Norain表示在眾多新進Model中,最喜歡「日版Paris Hilton」椋名凜,因她甚有女人味。
Norain入行,令她跟拍拖多年的男友分手,除了因兩人長期分隔兩地外,男友不喜歡她入行更成為導火線:「佢覺得Model界嘅人同事好虛幻好假,大家喺呢個問題上面冇共識,所以分手做番朋友,媽咪都好鍾意佢㗎!復合?我唔知。」
Profile
姓 名:陳麗玲(Norain)
年 齡:22歲
身 高:167cm
三 圍:33D、24、34
模特兒公司:Pure Models
曾拍廣告:KFC、維他飲品、Nature Slim等
文:Winnie Choi
攝:馬永堅



