陳志雲昨日邀得吳耀漢擔任《志雲飯局》嘉賓，志雲表示會問對方兒子吳嘉龍（Carl）的感情事、其家族是否染指香煙及殯儀業等。最近正式回流香港的吳耀漢表示，在外地也非常留意香港新聞，更替Carl澄清他並非女王：「難嗰啲佢又唔追，成日都係話等人追。」

談到Carl跟周汶錡及蔡卓妍（阿Sa）的緋聞，吳耀漢表示全屬流料：「阿Sa唔係Carl杯茶，佢鍾意思想洋化啲嘅。（周汶錡？）從來都冇，佢哋拍脫毛廣告傳緋聞，我睇報紙知嘅。（新聞話佢哋拍拖？）我有問過佢，個女仔眼角好高，或者咁講，佢當時唔會對Carl有興趣，No money no talk！」當說到Carl現時的韓國女友Leah，吳耀漢即說：「呢個女仔好好，佢好叻！我好滿意。（恨飲新抱茶？）總之死前飲到就得，但佢依家都未儲夠錢結婚！」他更抵死地指Carl的初戀女友非常靚，連他亦嗒糖！席上，志雲送上六合一電子煲、潮語卡及沒有發行過的《點解咁簡單》DVD予吳耀漢作禮物。

志雲力撐崔建邦

此外，提到崔建邦被指口才不濟，主持節目《My name is邦》時被反問到語塞，陳志雲即代愛將解釋：「同嘉賓有互動係好事，我睇咗第一集，覺得OK呀！（陳偉霆反問崔建邦同你嘅感情事？）吓！係咩？嗰集我未睇，我諗係特登營造嘅戲劇效果，唔緊要啦！都係講吓笑啫！」

文：影視組