台灣女星林熙蕾昨日特別來港出席《Parfums Christian Dior全身美妍概念專門店》開幕活動，並以低胸裙示人，同場還有名模Ana R.、「翻版徐子淇」Zelia（鍾浠文）等。略見疲態的林熙蕾自言因拍戲飛來飛去，今日便要飛往北京繼續拍戲：「第一次拍古裝，同楊紫瓊合作真係好開心。以前我私下學過耍劍，但今次做俠女都要搵師傅學。（叫楊紫瓊收你為徒？）吓？佢收唔收我呀？拍打戲都預咗辛苦。（怕受傷？）我會小心啲，買咗八位數字保險。」

放大圖片	林熙蕾（右）雖身穿低胸裙示人，卻被Zelia俯身搶「峰」頭。	林熙蕾（右二）與嘉賓一起為Dior新店剪綵。

暫時仍未求婚

當記者笑問男友會否擔心她受傷，林熙蕾即反問記者：「邊個男朋友？（朱孝天啊！）都會有少少擔心，家人都會擔心！（叫男友教耍太極？）如果有時間都會。」提到何時結婚，林熙蕾表示曾多次傳婚訊，已傳到沒有感覺，問到是否已到達老夫老妻的階段？她即很大反應說：「黐線！梗係唔係啦！好多嘢都係要結咗婚先算。（計劃幾時？）想一、兩年後，要睇緣分。（男友求婚未？）未！唔好再問啦！」

雖然兩人的緋聞傳了多年，但林熙蕾昨日才承認，問到是否待感情穩定才公開，她說：「之前傳咗太多嘢出嚟，唔想解釋，要睇Timing。（楊謹華默認曾同朱孝天拍拖？）我唔識佢，係佢哋嘅事，我一向唔會問男友以前嘅嘢，每個人都有過去。（需要跪地求婚？）有心最緊要。」她還揚言即使他日結婚，依然會繼續拍戲或從事投資的工作，問到婚後會否立刻造人？她說：「順其自然！都想生嘅。」

文：名人組