王祖藍、Rosanne、Race、JJ、Angelababy與周秀娜等主演的《矮仔多情》前晚舉行首映禮，吸引鄭希怡、洪卓立、鍾舒漫及楊思琦等近百位藝人捧場，其中周秀娜更大方帶同男友Avis現身，場面非常熱鬧！

Angelababy罕有地谷起小波地，可惜依然欠睇頭，未能搶鏡。	JJ的低胸裙中門大開，連祖藍也不敢直視！	Rosanne（右）踢爆Race在家練習自摸，更要她教路。

Race洞房跳艷舞

眾女主角以性感服飾爭妍鬥麗，連向來身材平平的Angelababy亦盡力谷起小波地，可惜被露前又露後的JJ前後夾擊，毫無還手之力！JJ說：「今次首映好重要，所以唔理點都要着。（做足防走光措施？）我由上至下、左至右照過鏡，冇走光先出門口。」

首次擔正做男主角的祖藍表示，心情十分興奮，更自爆前一晚失眠。至於在片中跳艷舞給祖藍欣賞的Race，獲身穿透視裝的姊姊Rosanne撐場，更被踢爆在家對鏡練習自摸胸部！Race坦言排舞時很不自然，要姊姊教路兼示範自摸，她說：「排嘅時候有啲尷尬，但Roll咗機就冇喇！（祖藍睇得好開心？）佢初頭真係好興奮，但跳多幾次之後，佢竟然瞓着咗，搞到我冇晒自信！（跳畀老公睇？）洞房之日至會！」

另外，專誠前往支持祖藍的鄭希怡，大讚祖藍靚仔，還自爆入行後曾與比她矮半個頭的男士拍拖，但問到是否圈中人，她即急急腳閃入場。