有讀者「y」向本報爆料，指Yahoo拍賣網上出現「1997年亞洲小姐上網拍賣心口針及權杖」，被標籤為「非常罕有、極具紀念價值」的貨品組合，連同刻上「ATV」字樣的精美盒子開價888元放售。97年亞姐冠軍原本是朱燕珍，因她虛報資料而被取消資格，由韓君婷補上。

靠后冠救命

對於代表冠軍身份的心口針及權杖在拍賣網出現，韓君婷大感莫名奇妙：「當年后冠救過我一命，出席活動幫我擋咗跌落嚟嘅物件而爛咗，所以後來將后冠同權杖一齊交咗番公司，淨係留咗心口針，上面塊玉當年都值幾十萬，我送咗畀媽咪，依家仲留喺保險箱，據我所知朱燕珍都交番晒所有嘢，所以真係好奇怪，大家要小心，以防假冒！」

至於亞視綜藝及資訊副總裁葉家寶表示沒可能，坦言權杖是道具，一年傳一年，至今仍然由亞視保管，網上流傳的可能是A貨。而記者拿舊照作比較，發現網上拍賣品的確與實物有出入，當中權杖有八成相似，至於心口針更相差甚遠。

另外，韓君婷前晚出席首映禮，身形依然激瘦，她說：「其實我肥咗4、5磅，胃口不知幾好，總之開心就得，體重幾多我覺得唔需要公開。」期間她自爆Facebook相簿被盜，但希望其開心照片能為香港人打氣，她更表示現時主力在東南亞做模特兒工作。 爆料編號：ireport_00019896