她又透露早前閉關四個月寫新片劇本，並邀得彭順擔任監製，計劃在香港取景，今年底或明年初開拍，她說：「新戲戲名叫《聖誕玫瑰》，係時裝劇，個題材好有人生話題。（搵到投資者？）已經搵到！其實我係以投稿方式寄去亞洲電影投資會，過咗幾關先通過，暫時未定有咩演員。（碌卡搵朋友？）如果有角色啱朋友，都會搵佢哋，我係演員出身，希望每個演員都可以發揮。」問到對票房是否有信心，她指彭順叫她先專心揀演員，不要想太多。