蔡卓妍（阿Sa）昨日擔任服裝品牌嘉賓，對於鍾欣桐（阿嬌）打Botox改善手腳線條，阿Sa無意倣效：「暫時未有呢個衝動，亦未有呢個需要！（阿嬌對腳係咪好需要？）佢做代言人，一定要以身試法！佢一直想改善手腳嘅線條，我都有問佢痛唔痛，最緊要佢開心！」
席間，主持人問阿Sa今年最開心的3件事，她說：「第一樣係去丹麥拍廣告，第二樣係以個人名義出碟。」第三樣是早前在上海電影節上兩度巧遇型男偶像奇里夫奧雲：「第一眼見到佢簡直唔敢相信，同佢合照勁開心，心跳未試過咁急促！」問到面對緋聞男友鄭中基時會否同樣心跳加速？她只笑而不答，十足細路女！
