黃秋生、吳鎮宇、謝天華、呂慧儀及陳法拉等前晚錄影《美女廚房變節篇型男廚房》，期間秋生試味時，鎮宇說：「秋生做乜偷食呀？秋生哥真係食家，食到街知巷聞！」之後他又問前港姐葉翠翠炆火腩時有沒有落豆腐？又笑說：「豆腐留畀秋生食！」秋生即反擊：「我哋大魚大肉，唔使食豆腐嘅！」試食時，鎮宇又寸秋生煮的雞未熟：「拜堂呀！攞隻生雞嚟！」
對於被指「食豆腐」，事後秋生說：「豆腐佢先食，佢要減肥，我哋呢啲咁Fit，梗係大魚大肉！」他又大讚呂慧儀幫得手。而全場最多粉絲捧場的天華，本來表演淋酒起火，誰知搞到「鑊底起火」！事後他撐：「平時十餐有八餐係我煮，不過呢排食飯盒多，老婆有煲湯畀我飲！」至於他日前拍戲傷耳，傷口已逐漸埋口。
