因與方力申傳緋聞而上位的胡心諾（Rainbow），最近與女友人行街，三人先到商場「醫肚」，Rainbow掛住傾電話，「點」朋友為她買食物。行街時，Rainbow又要朋友幫她拎袋，試鞋時更像大家姐般指指點點，要求友人幫她試鞋，其中一人更蹲下為她綁鞋扣，盡顯「公主」風範！不過Rainbow解釋：「佢哋唔係助手，係我嘅師妹梁思敏同張容容，見我做完Function有啲攰，咪幫我拎嘢囉！」
另外，Rainbow昨日出席活動時，被敖嘉年選做王妃。記者笑敖嘉年的口味跟方力申一致，他即急急解釋：「係大會安排，唔係我意思！」同場眾嫩模均以Tube-top上陣，Lavina更翹實敖嘉年，令他頗為尷尬！事後他表示未有食「波餅」，更自言會避忌：「我只係翹住手影相，『食』唔到，亦冇掂到，如果有我都會行開啲！」
