昨日E Cup Baby、Lavina、胡心諾（Rainbow）、「翻版阿Sa」周凱盈及「翻版Janice Man」劉佳欣出席《天子群俠傳》網上遊戲活動，各人化身古代王妃，穿上性感Tube-top騷身材！不過，身材本已突出的E Cup Baby，Tube-top明顯比其餘4人少布，懷疑有人出蠱惑，將Tube-top「攝短」2吋博出位！在台上，E Cup Baby慌死死敵Lavina走光搶鏡，主動為對方綁緊鬆脫的上衣兼包上圍巾。不過向來多計的Lavina，不時烏身及露打底衫搶鏡，力挽狂瀾！

E Cup Baby的Tube-top明顯比其他女模短，未知是否做過手腳？	劉欣宜（左）為Lavina整理衣衫，原來是另有目的。	周凱盈扮相嬌俏，加上甫士夠「出」，成為另一焦點。

暗寸李蘢怡年紀大

事後，E Cup Baby否認為Lavina整理上衣是怕對方搶鏡，她解釋只為安全及美觀。至於早前李蘢怡批評嫩模欠實力，她亦不留情暗寸對方老，又反擊波大非冇腦：「我哋年資仲輕，仲喺學習階段，會視佢為參考嘅前輩！我唔怕畀人話波大冇腦，因為呢啲嘢冇科學根據！」

至於Lavina則表示以Bra-top打底，做足防走光措施：「之前唔慣着比堅尼做啲大動作，所以先成日走光啫！」她揚言不介意與E Cup Baby同場：「一齊做騷唔使突圍嘅！我哋平時有傾偈，不過因為我同Rainbow同公司，所以老友啲囉！（夾埋蝦E Cup Baby？）唔會，我唔鍾意講是非，公餘時間都係休息同背稿！」

Profile：

姓名：鍾蕙芝（Lavina）

年齡：21歲

身高：166cm

體重：50kg

三圍：34E、25、36