出生於小康之家的Jacquelin從小「十指不沾陽春水」，除了行天橋及扮靚外，從未出外打工「捱鹹苦」。Jacquelin今次將挑戰自己，首次做洗頭妹，實行由低做起。雖然Jacquelin未算有「公主病」，掃頭髮時更被髮型師Avis大讚「有姿勢」，但當揭開染髮膏時，慘被其濃烈味道攻擊，令她「喊晒口」之餘，更不慎倒瀉染髮膏，嚇得她即時向公仔頭道歉：「對唔住呀！我唔係有心㗎！」

莊思敏烏龍百出，身旁的Avis忍不住出手相救。	莊思敏倒瀉染髮膏，即時向公仔頭沙冧。	莊思敏被染髮膏臭味攻擊，即時「乸口乸面」。

感同身受學懂欣賞

事後她扁晒嘴說：「平時染髮就試得多，但原來未調校好嘅藥水咁難聞！如果唔小心倒瀉啲染髮膏落皮膚度，仲好難洗得甩，所以先咁驚青！好彩個『白老鼠』係公仔咋，唔係實畀人鬧死！」最後她只好在其他髮型學員身旁「偷師」：「原來我成日去Set頭嘅髮型屋有咁多嘢學！唔做過髮型師助手都唔知佢哋咁辛苦，而且人工仲好低，我真係好欣賞佢哋嘅毅力！」