本報早前獨家披露，現年35歲的姚樂怡，在今年一月底不斷被淫褻電話騷擾，她不勝其煩報警求助，警方其後落案起訴一名年僅17歲的青年凌駿聲，早前他已承認控罪及即時還押監房，昨日在九龍城法院判刑，裁判官直言不明白被告的犯案心態，亦不明他為何會致電「年紀大你咁多嘅女仔」，但考慮他有悔意，遂判他一百小時社會服務令。

對於裁判官質疑少年為何要擾騷一個年紀比自己大的女仔，姚樂怡昨日在電話中只一笑置之：「哈哈！法官講嘅唔評論嘞！我當初報警只係唔想件事（性騷擾）繼續發生，依家都鬆咗一口氣，唔想再提。」

青春期太多幻想

樂怡坦言擔心少年要被判入獄，所以曾要求律師撰寫求情信，她解釋：「我希望佢能真心改過，可能佢青春期有太多幻想，判罰後希望佢會痛改前非，行番正途。（會唔會見面鼓勵？）唔會，總之唔好再犯，呢啲事對女仔好大傷害。」

而姚樂怡經常以性感姿態示人，問到是否較易惹人遐想？她說：「我一向都係健康性感，喺外國着性感衫都好Casual，好多香港女仔去Clubbing都會打扮得好靚，着得靚都係藝人工作一部分，不過依家我多做幕後Production，所以都唔想太高調。」

而臨床身心行為學家李寶能則認為，每個人有自己個性，某些人會喜歡年紀比自己大的女人，認為同齡女性思想太幼稚，反而成熟女性才可作心靈溝通，漸漸產生一種慾望及對性有好奇。

案件編號：KCCC 3120/2009