最近口靚模當道，李蘢怡前晚出席植村秀Tokyo Lash Bar舉行的《Lashes in Nature派對》時，語帶不屑地說：「社會風氣唔好，袒胸露臂唔應該咁，好唔健康，未必個個讀者想睇，呢種方法係吸引到人注意，但係咪有必要拋胸騷身材先！我覺得係過渡期，好多新人會選擇咁去令人注意，但日後都要搵自己嘅內在潛能，否則好難做！」初出道時行性感的她承認當年揀錯方向，但經驗令她成長，故要努力學舞及練歌發揮潛能：「如果唔係，做藝人好廢！唔可以單靠外表，要靠實力！」而她唯一讚賞的口靚模只有Angelababy。