昨晚《第六屆勁歌王全球華人樂壇年度總選頒獎禮2009》在成都舉行，眾女歌手性感耀四川，勇奪台灣區最受歡迎女歌手的蕭亞軒（Elva）露Bra邊，仍不敵真空上陣的JJ，擁有完美長腿的黃伊汶（Emme）透露因怕危險，故換上「安全版」戰衣，因此略為失色，而鄭希怡（Yumiko）的大露背與鄧麗欣（Stephy）的超短裙亦甚有睇頭，蔡卓妍（阿Sa）則以潮搭夠。

古巨基（右）與梁漢文同台，但中間隔着阿Sa（右二）與衞蘭。	身穿短裙Stephy既性感又可愛，甚有睇頭。	形象一向性感的Yumiko穿上露背裝。

叫裕美學乖

被指最性感的JJ說：「我有戴Nude Bra同貼乳貼，第一次咁性感，嚟嘅時候EO2仲整蠱我話到嘢！」對於同公司的裕美拒行可愛路線被雪，JJ表示不知情，但認為應該尊重公司：「應該乖啲、聽話啲！」

另一邊廂，古巨基轉會英皇後，首次與舊公司歌手同台，當中包括曾暗寸他的梁漢文（Edmond），兩人在台上零交流，阿Sa與衞蘭被夾在中間，不過基仔大方表示冇尷尬，而且早已跟對方打招呼：「喺機場見晒金牌歌手，有傾有講有攬。（攬邊個？）側田同小肥。（同Edmond冇交流？）隔咗兩個人啫！前幾日先喺錄音室撞到，香港娛樂圈朝見口晚見面，點會有嘢！」而基仔緋聞女友助手Lorraine亦有在場，但一見記者即速閃。

此外，有指被林珊珊反對與其大女拍拖農夫C君力撐伯母，表示絕無此事，更曾就有關報道致電珊珊致歉，至於即場舉行Talk騷的陸永則表示，老闆陳冠希屆時應該會到場支持。另外，金牌大風昨晚首次集合中港台歌手登場，共獲得24個獎項。