亞視藝人筱靖早前公開寸吳亭欣是第三者，未知是否因而令人不滿，有讀者以LuLu Fans署名爆料，當中包括一些筱靖在溫哥華時發生的事件，爆料者似乎對她的過去非常清楚，令筱靖聽完都大叫恐怖。

消息指筱靖未選美前花名叫「波板糖」，經常大晒名牌，每年生日都要男士送上99支「波板糖花」，對此，筱靖昨日在電話中說：「我係有呢個花名，因為我塊面肥，頭大身細，但我冇要男人送波板糖花，只係曾經有朋友主動送畀我。（話你晒名牌？）咁係女仔都貪靚，通常我都係同媽咪一齊用。」

此外，讀者又大爆她曾當第三者，與黃澤鋒搭上，更與另一女子為爭仔大打出手，筱靖說：「我喺03、04年度係同佢一齊過，係放暑假返港朋友介紹認識嘅，依家我同澤鋒間唔中都有電話聯絡，不過我識佢時佢已經同老婆分開咗，佢係有個女朋友打過幾次電話畀我，問我係咪同澤鋒一齊，但我未見過呢個女仔囉！」

曾被李婉華責罵

有指筱靖於溫哥華時曾向李婉華老公放電，更遭對方責罵，筱靖不諱言她的確曾被婉華罵，但卻並非因「電」婉華老公，筱靖說：「我喺酒樓做Reception暑期工，李小姐係茶客，佢係因等位問題而話我，我唔識佢老公。」對於有指她曾與TB（女同性戀者）一起多年，她即說：「冇可能！」

縱是如此，但爆料者似乎對筱靖周遭發生的事情非常清楚，問她有否得罪朋友時，她說：「佢講嘅嘢都唔係事實，得罪得嘅都唔係朋友啦！其實嗰啲都唔係乜嘢秘密，好多身邊朋友、同事都知，但呢個人知啲唔知啲就喺度作古仔，我覺得有人有心玩嘢！」

報料編號：ireport_00019839