周秀娜（Chrissie）決心洗脫「地獄廚神」污名，日前學整朱古力送給爸爸作父親節禮物，她知道爸爸不愛甜吃，特別度身訂造黑朱古力送給他。雖然Chrissie經常記錯步驟，不過表現尚算不錯，只是攪朱古力漿時不小心，弄至雙手沾滿朱古力漿。到最後倒模時，師傅見她雞手鴨腳即出手相助，朱古力才順利完成。為了令這份禮物更具特色，Chrissie在朱古力上面寫上「Happy Father's Day」及畫上最愛的星星圖案。
Chrissie透露父親在家中扮演好人角色，媽媽則經常罵人，她想起一件童年往事：「有次爸爸應承咗帶我同細佬去海洋公園玩，點知佢臨時有嘢做要取消，我就即刻扭計，爸爸最後都推咗啲工作帶我哋去玩，嗰次爸爸仲克服畏高症，同我哋一齊坐纜車，依家諗番起都好感動。」