依家市場上充斥大批（口靚）模，小小So都覺得好有新鮮感，因為佢哋賣點係樣貌同青春，好似（口靚）界女神Janice Man會考得幾分，雖然成日畀人笑，但佢一於話之你，愈做愈紅！新入行嘅胡心諾（Rainbow）亦差唔多，17歲女讀緊中四，出年仲要會考添！小小So有日見到佢，問佢點兼顧學業？佢就事先聲明話分數唔會高得去邊。
小小So：又返學，又要做騷，點兼顧呀？
Rainbow：忙係好事，時間充實啲，如果真係有嘢做，迫於無奈都要同學校請假，媽咪都知。
小小So：怕唔怕影響學業？冇時間溫書？
Rainbow：真係冇乜時間溫書，最多係間中睇吓，或者臨考試前先溫！我上堂都會傾偈㗎！（一臉尷尬）尤其上會計科，都唔知老師講乜，依家諗住Drop咗佢。
小小So：擔唔擔心會考得零分呀？
Rainbow：都有少少……不過雖然我讀商科，但我啲中文幾好㗎！平時鍾意睇書，我諗中文會合格。
小小So：讀完中五，考唔考慮再進修？
Rainbow：有諗過讀演藝，想喺呢行發展，但要中五有分先考到，所以我會努力啲！