黃婉伶（Race）與王祖藍在新片《矮仔多情》中初次合作，Race飾演一名患有精神病的女子，要無故向祖藍破口大罵，由於粗口不太靈光，令她感到害羞：「我收到劇本嗰時都嚇咗一跳，有啲字根本連讀都唔識讀，自己平時都唔講呢啲嘢。我惟有叫朋友錄低對白畀我聽，每日喺屋企邊聽邊學，我好擔心鄰居會以為我做乜。」
到正式拍攝時，Race最終NG了五次導演才收貨，加上拍攝另一場戲時，她錯手打到祖藍鼻子，令祖藍跌在地上，感到極不好意思！Race表示二人在戲中沒有親熱戲份，不過原來她仍未獻出銀幕初吻：「床上戲同接吻戲我都未拍過，梗係最希望同金城武啦！」
