候選香港小姐昨日到銅鑼灣一間眼鏡公司挑選眼鏡，稍後她們將競逐「時尚目光獎」。「是非空姐」曾曦寧（Hilaire）原來是戴夢夢的中學同學，對於她被指「屈仔」買名牌，夢夢說：「讀書嗰陣佢唔乞人憎喎！不過真係好鍾意名牌，但都係靠自己唔食飯，慳錢去買嘅。」
Hilaire對於被指在休班時擅自闖入駕駛艙會男友，令男友受責，影響升職機會。Hilaire說：「我哋空姐嘅優惠機票係Stand By位，碰巧嗰次班機嘅客位滿咗，因為我有Permit（許可證），先要求坐喺駕駛艙裏面嘅Jump Seat位。（刻意坐男友駕駛嘅飛機？）唔係，嗰次係同屋企人去旅行，咁啱啫！（影響男友工作？）唔會，佢哋有專業操守。」她又再次否認已婚，對於被指帶同妹妹應乘客邀請吃飯「劏客」五千元，Hilaire說：「未試個同乘客食飯，出得去食飯嘅一定係朋友，所以都識得我細妹，我都唔記得餐飯幾錢囉！」
爆料熱線 ：3600 1022
爆料Fax ：3600 1000
爆料Email ：entertainment@opg.com.hk