日本雜誌《ViVi》御用模特兒渡邊知夏子，昨日與諸葛梓岐、椋名凜、鈴木仁及多位日模一起為wtc more《momo潮服館》行騷，當中以諸葛梓岐的V領連身裙最為性感，向來愛以性感示人的椋名凜所穿的背心裙，本身胸口位置並不低，不過未知她是否怕「蝕底」，到再次出場時，竟見其衣領明顯拉低一吋，讓咪咪「抖氣」。

諸葛梓岐性感行騷，令同場與鈴木仁行騷的椋名凜（圖右）感到受威脅。

諸葛梓岐

諸葛梓岐否認退出

早前曾傳出要退出模界諸葛梓岐，昨日澄清說︰「我冇話退出，我話放假去韓國玩，我見到你哋（記者）好開心，只要唔好寫衰、錫我就得。」正斟洽到日本發展的她，言談間卻對男友顯得冷淡︰「唔使搵渡邊搭路過日本，依家公司傾緊。（遲起步？）冇所謂。（男友支持？）吓！支持啩！（係咪少咗見面？）唔知點答你，你問佢啦！」另外，對於菲傭涉生劏主人，梓岐坦言好驚，但表示自己對菲傭很好。

年僅十五歲的Josephine，被睇好上位。

渡邊知夏子特別由日本來港行騷。

至於第一次來港的渡邊知夏子，不怕港模到日本搶飯碗︰「日本搵中國人係為咗中國同香港巿場，日本人有日本人嘅巿場，唔怕搶飯碗或者競爭大，頭先行騷我都睇好一個十五歲、叫Josephine嘅模特兒，佢好適合日本巿場。」另外，與山下智久傳緋聞的她，澄清只是好朋友。至於擔任今次活動企劃的王友良表示，計劃洽談了數個月，但否認正值「關Jill」案發時︰「係兩個個別事件，佢依家忙作曲同練琴。」