新劇《碧血鹽梟》演員楊怡、馬浚偉、黃浩然與敖嘉年等昨日出席宣傳活動，大玩射水槍遊戲。楊怡雖慘被黃浩然與馬浚偉以水槍圍剿而變成「濕水雞」，但她依然好開心：「未試過可以喺宣傳活動上面玩得咁癲。（好似好多「仇口」喎？）係啦！都唔明白點解，黃浩然係我隊友都唔幫我，個個都係射濕我一個，可能佢哋知我玩得啩！枉我平時咁照顧佢哋，黃浩然仲射得好準，搞到依家啲水入晒耳窿，雖然未至於耳鳴，但陣間睇醫生叫佢畀錢。」馬浚偉卻否認圍剿楊怡：「我錫佢都嚟唔切！一槍都冇打佢，反而我就濕晒。」而活動上，只見馬浚偉右手包着紗布，他透露早前拍攝《蒲松齡》時不慎拉傷。