林峯無懼「小峯」被踩

將舉行處男個唱的林峯，昨日與大班女舞蹈員排舞，動作火辣，女舞蹈員除穿過他胯下外，更瞓在他前面，舉高雙腳頂住其下腹，與「小峯」近在咫尺，認真牙煙！不過林峯無懼被踩中，還淡定地說：「冇事，踩得好準，唔會踩到，佢哋訓練有素！（戴護罩？）唔使！」由於個唱只有女舞蹈員和女模，記者笑他好艷福，他說：「我會專注唱歌！」

另外，林峯前晚出席《勁歌金曲》時表示個唱有足夠嘉賓，故沒有搵緋聞女友鍾嘉欣，問到怕唔怕對方傷心？他說：「我相信每個好忙、嚟唔到嘅人都會傷心！」