女神疑似又變臉，問到同場的古巨基可有同感？他說：「佢不嬲都靚㗎啦！（變得更靚？）係咩？同我上次見佢差唔多啫！一樣咁靚！上次我嘅演唱會同佢有合作過，覺得佢好有潛質，除咗做Model之外，可以有更大嘅發展空間！」基仔曾表示希望做導演，問到會否找Angelababy做女主角？他說：「可以！不過我之前已經搵咗佢估IQ題喇！」
基仔表示今夏會推出「古Sir IQ書」，目前忙於收集IQ題，問到如何對抗大批嫩模寫真？他說：「唔好咁講，人哋係Model，大家層面唔同，佢哋係視覺上，我嗰啲係動腦筋！」再問到向來醉心創作的他，可會為自己設計婚戒？他說：「我得㗎！不過唔係依家，我仲細！（你唔算細啦？）我今日都仲襯到Angelababy啦！」