喺台灣有「童顏巨乳」之稱嘅瑤瑤（郭書瑤），年紀輕輕就有F Cup咁勁嘅身材，相信唔少女仔想請教佢豐胸絕技，就連小小So都好有興趣想知！瑤瑤話自細就鍾意食啲奶類製品，好似芝士同牛奶咁，唔怪得有咁激凸嘅身材啦！不過小小So覺得年紀仲細嘅佢，可能仲未完全發育，即係有機會再升Cup啦！點知佢仲傻更更咁同小小So話：「會嗎？不是懷孕才會再大嗎？」認真搞笑！
除咗身材之外，瑤瑤好似冇咩特別技能，不過原來佢想學彈結他傍身，點計都多一個賣點。不過佢身材咁勁，如果掛個結他喺身，彈力咁大，唔知會唔會有啲困難呢？可能佢要準備個特製嘅凹凸形狀嘅結他Fit番佢個超級身形，如果唔係個結他頂住喺心口，小小So睇見都戥佢辛苦！