呢排忙緊拍劇兼出碟嘅言承旭（Jerry），前日做慈善活動，被追問有傳佢幾年來都用錢幫助林志玲，一向脾氣麻麻嘅Jerry竟然冇黑面，仲大方咁話：「子虛烏有的事，志玲人很Nice，如果對她和家人造成傷害，我也會很難過。」Jerry解釋最近同Ella拍台劇《就是賴着你》令佢改變好多，佢話：「有時拍戲表現不好，我會氣到怒拍桌子，Ella會給我一個溫暖的抱抱，如今我懂得關心別人，Ella是改變我最大的女人之一。」

手指篤胳肋底

Ella尋日喺戲組繼續拍攝，問佢點樣「將冰山劈開」，Ella話Jerry係大男孩，只要主動關心佢，就會慢慢混熟，Ella仲大爆Jerry曾經用手指篤佢胳肋底，不過Ella對每個人都咁熱情，連另一男演員張勛傑都唔例外，佢竟然冇端端將隻腳趾塞入對方個鼻，認真瘋狂。