古巨基將於下月十一日在廣州體育館舉行一場《古巨基EYE FEVER廣州演唱會》，基仔昨日專程到廣州某廣場舉行記者會，吸引近千名歌迷捧場，令會場擠得水洩不通。雖然基仔早前以2,000萬港元加盟英皇，但由於未有合約在身時，曾答應金牌大風在當地舉行個唱，故昨日金牌大風及英皇均派出一員陪伴基仔，其緋聞女友Lorraine亦有同行，基仔說：「因為之前喺冇合約嘅情況，應承咗金牌大風要做廣州站，答應咗人我一定會做，多謝兩間公司咁樣合作，算係史無前例。（收益點分配？）細則唔清楚，交畀兩間公司傾。」問到這次是否最後一次與金牌大風合作？基仔說：「未必！唔希望係，睇吓嚟緊嘅巡迴點配合。（仲有冇下一站？）只係應承廣州呢站。」