因拍網劇而傳不和的Lavina與E Cup Baby，最近是非甚囂塵上，日前Lavina更與老友Rainbow（胡心諾）暗指E Cup Baby是「小狐仙」，令她甚為尷尬！昨日三位「臭狐事變」主角Lavina、Rainbow及E Cup Baby聯同「翻版阿Sa」周凱盈（Monique）現身西九龍中心，出席《夏之盛放寫真集升呢預購會》，三人在台上扮老友。

Lavina（左）及Monique大騷青春本錢。

Lavina騎呢扭腰，暗搶風頭。

Lavina與E Cup Baby甫見面即攬成一團，以證彼此絕無芥蒂，表面上二人變Friend，可是暗地裏卻各出奇謀搶鏡，雖然幾位嫩模均穿背心熱褲，但E Cup Baby明顯凸圍而出。眼見落敗的Lavina即以騎呢招搶鏡，身穿桃紅色比堅尼打底的她，竟多番不經意地露出疑似橫間底褲，頗為突兀，她又特地把背心束起，露出24吋小蠻腰，即時搶回不少「收視」。兩女鬥法，惠及龍友，她們亦任影唔嬲。

Lavina台上攬劉欣宜(右二），但其後只與另外兩女合照，明顯想疏遠她。

放大圖片

被影唔尷尬

對於被龍友狂影胸部，E Cup Baby坦言感到尷尬：「如果意識唔好都會唔開心，不過我做足安全措施，所以唔驚。」當被指是全場最性感時，她說：「吓？有咁嘅事？Lavina都好性感呀！啲衫係大會安排。」提到臭狐一事，E Cup Baby說：「都幾忟！不過謠言止於智者，如果我有，你哋都走開啦！」問到會否向Lavina了解？她說：「唔需要，可能佢哋係講啲工作人員，變傳咗係我。」她又強調沒有跟Lavina不和，私底下有傾偈，只是平日少聯絡。

Lavina及E Cup Baby不約而同除下飾物送給Fans。	放大圖片	四位嫩模趴地擺甫士，引得一眾龍友舉機狂影。

暗寸死敵老

而以騎呢搶鏡的Lavina說：「上身係大會提供，下身係自己衫，所以唔同色，我一早預咗會露。」對於被搶「峰」頭，她說：「啲衫係大會提供！唔係我決定，我都好性感，今日場合唔喺沙灘，如果沙灘我唔介意着比堅尼！」她又若有所指地說：「今次係合作宣傳，唔係個人表演！」對於被指踢爆死敵有臭狐，Lavina矢口否認，強調E Cup Baby身上沒有異味，她表示二人都是身材出眾，故惺惺相惜，又指對方是前輩，似暗指對方老！至於Rainbow被問到她就讀的玫瑰崗中學有人吸毒，她即怒斥此行為影響校風，並強調自己從未吸毒。