豬流感（H1N1甲型流感）繼續喺市區橫行，最近有一宗確診夫婦原來係住喺馬鞍山，小小So咁啱住喺附近，除咗注意個人衞生同加強防護之外，小小So都特別關心住喺呢區嘅林保怡，關心吓佢嘅情況，所以即刻打電話問候保怡！
小小So：保怡，馬鞍山有豬流感確診夫婦喎！佢哋住個屋苑近唔近你呀？
保 怡：我知呀！好彩都隔兩個屋苑，其實都近㗎！惟有自己小心啲，注意個人衞生！
小小So：你話注意啫！其實都好難，我同你都住馬鞍山，附近冇嘢食，都會出中心商場開餐，買日用品都要啦！據新聞講，嗰對夫婦都去過中心商場，我都驚驚哋，我都喺中心見過你同屋企人飲茶，你都要小心啲，老人家易受感染呀！
保 怡：我都知嗰對夫婦去過中心啲商場食飯，但冇得驚，咪出少啲中心商場囉！其實我除咗同屋企人去中心飲茶之外，自己絕少出去，多數留喺屋企，最近我又忙開劇，更加冇機會，不過Anyway，多謝提醒，大家小心啦！