賭王何鴻燊早前獲美國博彩業協會頒發「G2E Asia卓越遠見成就獎」，表揚他在亞洲博彩業的貢獻。昨晚他又獲頒「2009年萬寶龍國際藝術贊助大獎」，女兒何超儀更以斯文Look捧場。賭王大讚超儀又靚又乖：「佢今日最乖最早到，佢由細到大都咁靚，係爭在仲未肯生。我啲女個個都靚，佢係其中一個最靚嘅，將來有四個最靚，邊個就唔講喇！我好公道，啲女乖過啲仔，仔娶咗老婆就唔見人，女就晚晚都見到。」
被催促生BB的超儀表示要等多幾年，她應記者要求親吻爸爸，場面溫馨，但事後笑言幾歲大時才會錫爸爸，並說：「你哋咁玩我。」問到得獎心情，賭王表示很開心：「點解揀我？因為我有墨水，呢支係墨水筆，所以要揀番個有墨水嘅，我識講好多國語言㗎！」