模特兒汪圓圓與方振文拍拖時直認是初戀，本年三月圓圓生日時，方振文豪花5萬元包下法國餐廳為女友慶祝，雖然兩人年齡相差17年，但男方獲圓圓家人的支持，特別是圓圓的姊姊汪詩詩，更以她與甄子丹年紀相距18年作比較，深信年齡不會造成障礙。昨日圓圓以嘉賓身份出席新太陽廣場的《新地全球限量千萬名錶珍藏展》，示範一枚全球獨一無二價值200萬元的芝柏三金橋陀飛輪三間錶，問到男友是否有送名錶給她時，竟突然宣布已分手，她說：「我依家係單身，不過我哋仲係好朋友關係。（同男友分手幾耐？）其他嘢唔講，淨係想集中做嘢方面。（係咪唔開心而寄情工作？）向來想做多啲嘢。」對分手原因隻字不提。

姊姊詩詩與甄子丹組幸福家庭，令圓圓十分羨慕。

汪圓圓（左起）獲新鴻基地產代理租務總經理馮秀炎邀請示範名錶。

情侶手錶贈父母

圓圓並未因為失戀影響心情，對整蛋糕素有研究的她，還即場炮製蛋糕準備送給爸爸，她透露爹哋將來港，故正與家姐計劃慶祝節目：「每年母親節都搞得好好，所以希望今年父親節都搞得好，買禮物畀爹哋易啲，佢鍾意電子同電器用品，媽咪要求好高，一定要買靚嘢。（送手錶畀爹哋？）呢度有好多靚錶，不過要儲多啲錢先買到，我想買對情侶手錶送畀爹哋媽咪。」