現年22歲的何雅靜（Suey），成功進身今年港姐複試，但她不想被合約綁死1年，據知，當中條款是不准她接洽有關娛樂的工作，故她最終決定退出，放棄奪后冠機會！Suey說：「唔後悔，最初只想見識多啲，唔知要簽一份咁嘅合約，我之前已接咗一個為期一個月嘅澳門工作，酬勞幾滿意。加上港姐一向注重學歷，不過我只得中五程度，相比下較遜色，所以都係搵錢重要啲！」

Suey懶洋洋地躺在梳化上，對未來充滿憧憬。	Suey搵錢至上，無悔退選港姐。	翻版周麗淇回眸一笑，發放電力。

減肥縮胸搶灘

今屆有落選港姐發電郵爆料，指評判對佳麗態度欠佳，不過Suey自言幸運：「其他人唔知，不過我份人鍾意直接，都有評判問我易唔易瘦？即係暗示我肥咗啲，但我覺得OK！」個性坦率的她不介意被批評，還樂於接受意見：「我好為食，最鍾意食芝士蛋糕同雪糕，真係忍唔到口，不過為咗喺呢行發展，我會努力減肥！（擔心減肥減到縮胸？）唔緊要，始終自己有170cm咁高，整體身材平均就得！」

選美冠軍變廚女

Suey今年初投身模特兒行列，不久勇奪周刊的Cover Girl比賽冠軍，並趁勢參選港姐，不過Suey不甘被合約綁死，最終決定退選。另外，Suey亦曾參加「美少女廚神」比賽，初登螢幕。

文：專案組

攝：吳文聰