啲女仔成日話要節食減肥，但瘦到幾乎見骨嘅名模Lisa S.就想食都冇得食！佢話好期待自己可以有肥嘅一日，就算變成米芝蓮都冇所謂。咪以為佢講風涼話，早幾日佢又打嚟同小小So呻冇啖好食喇！
Lisa ：我幫個錶展做Model，差啲凍到僵咗呀！朝早十點企到夜晚七點，仲要成日冇嘢落過肚。
小小So ：大會冇安排嘢畀你食？
Lisa ：得一碗雞湯囉！係咁多喇！
小小So ：咁孤寒？
Lisa ：Model做嘢好多時都唔會獲安排食物，我哋走唔開，焗住要餓到收工先有得食！啲人唔知，仲以為我哋刻意唔食嘢，根本係我哋長時間工作冇得食。
小小So ：唔怪得你咁瘦啦！
Lisa ：我不知幾鍾意食嘢，去旅行我就瘋狂咁食，因為我要爭取每一個食嘢嘅機會，開工時想食都冇得食呀！我仲諗住第時有咗BB就會食到好肥，好想要對大波波，同埋試吓身材充滿曲線嘅感覺。
小小So ：肥到米芝蓮咁？
Lisa ：都好呀！一節節幾得意。