本文重點
周迅、張涵予同導演高群書日前出席電影《風聲》預告片全球發布會，部戲由英皇電影做香港發行。預告片中，周迅以少有嘅成熟沉鬱神態出現，李冰冰就喊到兩行眼淚，而喺戲入面演崑曲名伶嘅蘇有朋，就未有喺預告片入面唱兩咀，反而有一段被士兵強行拖走嘅折磨片段，亦有張涵予被嚴刑拷問嘅殘酷鏡頭！
堅持投資無上限
因為李冰冰同黃曉明都要趕戲，所以宣傳重任就落喺周迅同張涵予身上，佢哋不約而同話戲入面有好多嚴刑拷打嘅戲份，拍攝過程身心都受到巨大嘅折磨。席間，投資公司之一嘅華誼兄弟，被問到《風聲》受到銀行嘅壓力，總裁王中磊就話由於銀行貸款數目巨大，所以確實係面對投資上嘅壓力，但為咗電影嘅優良質素，堅持「投資無上限」。