黃家強和黃貫中（阿Paul）的演唱會將於下月24至26日假紅館舉行，曾傳不和的兩人突然化敵為友，因而被指為錢「復合」，但家強堅稱夾份開騷是為音樂及理想：「賺到幾多錢呀？之前我哋出嚟傾過，知道係中間人傳話出錯先有咁多誤會！依家明白晒咪冇事囉！」而阿Paul則認為為錢亦無可厚非：「我哋四年先開一次，都應該啦！但我哋唔係囉！」
此外，家強澄清當年沒有踢爆阿Paul與朱茵外遊，以及因此反目，而阿Paul亦相信家強是被屈，他又表示當時因被傳媒問到興而作出激烈回應：「我聽埋聽埋，神志不清咪發嬲囉！」對於黃家駒的墓碑遭破壞，據知阿Paul正幫家強物色專業人士修墓，但阿Paul不欲張揚：「我已做咗自己要做嘅嘢就得喇！」