潮流興(口靚)模，就連天王黎明對(口靚)界亦蠢蠢欲動，除向(口靚)界女神Janice Man打主意，旗下19歲新女王歌慧（Emily）一樣青春逼人。
文：音樂組 攝：黎志輝
笑容燦爛的Emily散發着一股陽光少女氣息，性格開朗的她，九歲開始在溫哥華生活了六年，能操流利普通話、英語、法文及廣東話，難怪成為黎明今年力捧新寵。
對於穿比堅尼示人，鬼妹仔的Emily亦未有諸多扭擰：「以前喺外國都鍾意去游水曬太陽，着泳衣好平常，只要感覺健康，冇所謂嘅。」有黎明這個強勁後台撐腰，可會令人妒忌？Emily說：「我都覺得好幸運，入到呢間好公司，我唔會掉以輕心，每件事都會做好，唔好浪費公司畀嘅機會。」但講到現今口靚模愛以鬥身材、鬥Cup數出位，Emily則有自我一套：「從來冇諗過用呢啲去同人比，反而身材平均都唔錯！（冇想過升Cup？）唔好啦！我咁細個，真係唔想咁大負擔喎！」
多元化發展乜都試
起初以歌手身份入行的Emily，被問到是否棄歌投(口靚)界發展？Emily說：「冇話限死自己喺邊方面發展，反而想試多啲唔同嘅嘢，我對模特兒呢行係好有興趣，但每個人都會長大，(口靚)模唔可以做一世(口架)！」早年Emily便有份參與演出老闆黎明在美國拍攝的音樂電影，惟當時只是小試牛刀，未能真正過足戲癮，她直言希望再嘗演戲滋味。
八卦改變命運
Emily入行過程都相當戲劇性，當年未夠十六歲的她，就讀九龍塘某間國際學校，某日放學後與同學行過又一村，見到一間露天茶座外企滿人，她亦唔執輸行去八卦一下，原來正是黎明在此處High Tea，當時Leon助手問Emily有沒有興趣唱歌，過了數日果然有人聯絡她試音，最後簽約Amusic旗下做藝人。
Profile
文：音樂組 攝：黎志輝
姓 名：王歌慧（Emily）
出生日期：1990年5月10日
身 高：164cm
三 圍：33C、23、34
演出經驗：Amusic音樂電影，《弦邀之音》，國語歌《聽說》，廣東歌《大話精》，美少女廚神