半個台灣人的模特兒Amanda S.與周中師傅昨日出席《勁玩臺北》單車旅遊計劃活動，Amanda笑言很多人也不知她是台灣人，曾在當地住了八年的她說：「我嘅媽咪同外婆都住喺台灣，每年我都會返去探親。（有冇帶過意籍男友Christian去台灣？）有，男友同外婆嘅生日只係差幾日，上年就同男友返咗台灣一齊慶祝，好Sweet。」她又透露外婆較保守，故他們留台期間要與男友分開住。
由於Amanda的外婆不諳英語，故男友與外婆只靠手語溝通，她說：「外婆想我同台灣人拍拖，好在男友唔係金髮，所以外婆都好鍾意佢。（男友有冇學普通話？）之前學過幾堂，但係講得唔好，佢搭的士用廣東話講屋企地址，的士司機都聽唔明。」
