英皇一姐容祖兒經常扮鬼扮馬拍廣告，前日下午三時半，祖兒、陳奕迅（Eason）、「軟硬」的林海峰（Jan）及阿葛，現身九龍灣某商場為快餐店拍攝廣告及硬照。祖兒身旁有多位化妝師、髮型師及助手侍候，凸顯天后地位，至於Eason、Jan和阿葛亦不輸蝕，各有貼身助手及化妝師從旁打點。

鬼馬的阿葛做手勢，扮食巨無霸。	祖兒與陳奕迅換上制服拍廣告，吸引大批途人圍觀。	林海峰換上風褸揸電單車，十分投入。

阿葛放笑彈搞氣氛

拍攝期間，四人穿着制服在搭建的影樓內穿梭，吸引不少途人駐足觀看，有食客乍見祖兒出現亦顯得半信半疑，有食客更喃喃自語：「嗰個咁似容祖兒？」祖兒聞言亦忍不住偷笑，亦有食客連枱上的食物都不顧，衝到店外一睹天后風采，短短半分鐘已將祖兒包圍，要由工作人員上前解圍才得以甩身。

陳奕迅擺出敬禮甫士，表情多多。	祖兒與品牌合作推出BB Cream，親自繪上愛貓圖案。	黎明

一向搞鬼的Eason、Jan及阿葛，在拍攝期間不忘發揮鬼馬本色，做出古靈精怪表情，引來哄堂大笑，當Eason發現頭盔有霧氣，即緊張地的又抹又吹，一絲不苟。然而各人在拍攝駕駛電單車送外賣鏡頭時則收起笑容，坐在電單車左扭右扭，不過阿葛亦不失幽默，突然偷偷拿出「巨無霸」大啖大啖吃！是次四人難得聚在一起，所以趁有空檔便躲在一旁「打牙骹」，而祖兒因有工作在身，拍攝完畢便匆匆離開。

王祖藍

蔡卓妍

事後記者致電祖兒，對於今次四人合作，祖兒說：「同Eason、阿葛佢哋一齊做嘢永冇悶場，因為佢哋都係Talk得之人，時間過得好快同輕鬆！」飾演速遞員的她說：「我冇電單車牌，但又好恨可以揸電單車喺馬路上自由自在飛馳，今次算係滿足咗自己一個願望，我都好佩服啲電單車速遞員，因為佢哋要用最快嘅速度將食物送到顧客面前，真係分秒必爭！」另外，祖兒最近獲MIOGGI續任代言人，特別推出MIOGGI X Joey"My Lovely Cat"限量版3D BB Cream，極具紀念價值。

醜化自己帶來歡樂

藝人為求發揮演技，愛在廣告或電影中扮鬼扮馬，更不惜醜化自己，為觀眾帶來新鮮感。

向來官仔骨骨的黎明在陳可辛的新片《十月圍城》中扮乞丐，該片早前在《康城電影節》中大獲好評，連女友樂基兒都大讚他是性感的乞丐。

扮嘢了得的王祖藍，早前在手機廣告中以多個搞笑造型現身，搽黑自己扮美國總統奧巴馬及長髮女教師，祖藍亦高呼過足戲癮。

在英皇電影《情癲大聖》中，蔡卓妍以哨牙、大鼻兼矇豬眼的醜女造型亮相，獲導演劉鎮偉大讚，認為做醜女仍得到觀眾喜愛，難度相當高。