05/06/2009

播放本新聞相關短片

Jocelyn唱反調變象腿着潮鞋

小小So近期成日去Shopping睇吓衫兼添置夏季新裝,有次小小So喺名店睇新嘢,見到Jocelyn喺度試鞋,周邊放咗好多對鞋,睇嚟佢試過好多,而且仲係主攻今年最興嘅Gladiator鬥士涼鞋。小小So即時同佢傾吓今季有乜「筍嘢」,Jocelyn即時好失落咁話要增肥,搞到小小So打個突,一嚟做模特兒最基本係要高同瘦,佢兩樣都有晒,而且仲有埋個胸,理應好開心,點解要增肥?佢即時指住隻小腿,雖然佢着住對鬥士涼鞋,但因為小腿太瘦,搭帶縛住隻腳,依然「鬆拋拋」,搞到冇晒美感,佢話:「我好鍾意呢對鞋,但點着都咁鬆,真係好唔開心!所以我要Keep Fat,去食多啲漢堡包!」Jocelyn因為買唔到心頭好而失望,惟有講吓啲晦氣說話激吓自己,如果佢真係增肥成功,睇怕佢仲驚!小小So最後安慰佢,話好多人都恨有對纖幼小腿,你呢啲天生麗質就唔好自棄!