雖已年過四十，但溫碧霞（Irene）的樣貌及身材二十年如一的弗到爆，剛與老公歐遊返港的她說：「我哋去咗好多地方，瑞士、意大利嘅米蘭同羅馬，全程揸車周圍去，最開心係同老公揸電單車喺歐洲飛馳，我坐後面攬住老公，感覺超正，好難忘！」

放大圖片	放大圖片	溫碧霞暢談與老公在歐洲駕電單車的浪漫史。

Irene一直享受與老公的二人世界生活，暫未有造人計劃，由於她與老公平日各有各忙，一年只得一半時間見面，故分外珍惜：「一有假期我就最鍾意同老公去旅行歎世界。」工作方面，現時Irene只會接拍自己喜歡的電影和廣告，她說：「依家嘅生活係我一直期待嘅。」

戒煙更健康

是次歐洲之行，Irene更有大收穫，就是成功戒煙，做個健康「靚太」，她說：「起程時已經唔係好舒服，見到咁靚風景又唔想食煙去影響，咪冇食囉！之後仲戒埋。」早前她在內地接拍一部電影《逃亡者》，戲中她飾演一名醫生太太，稍後她也會到內地宣傳。