楊千嬅早於06年已經獲精工錶起用，廣告商今次再重金禮聘佢合作，雙方一拍即合，非常啱Key！為咗隆重其事，廣告商搵嚟著名攝影師Sam Wong同化妝師Zing操刀，拍攝過程非常順利，千嬅先着住一件性感Tube Dress叉腰擺甫士，再換上一條紫色背心裙扮唱歌，高貴又鬼馬！

千嬅邊聽歌邊擺甫士，拍得格外投入。

千嬅拍廣告期間不時補妝，務求以最佳狀態示人。

聽住歌擺甫士

為咗配合「真我自信」嘅主題，廣告商喺拍攝現場播出千嬅嘅歌，等佢邊聽歌邊擺甫士，咁得廣告商寵愛，難怪佢笑得鬼咁燦爛啦！另外，千嬅今次仲親自做埋形象指導，邊拍邊同工作人員交流心得，對每個造型都非常關心，希望展示自己最Perfect嘅一面！