05/06/2009

播放本新聞相關短片

孟瑤捉雞怕染禽流感

早前孟瑤在新片《大內密探零零狗》中客串宮女頭目一角,不時要怒罵李曼筠(動漫Maggie),她自言甚為討厭:「成日要鬧人,做黑臉,我驚大家討厭我,好彩大家仲夾得嚟,我仲同Maggie做咗好朋友!(鬥身材?)唔會啦!大家係朋友唔會比較!」孟瑤表示捉雞戲令她甚為難忘,更笑言擔心拍完會染上禽流感:「呢場戲話我命令大家捉雞煮餸,場入面有好多活雞,起初大家唔知點捉,都係Maggie最大膽,換咗我就一定唔得!我哋仲講笑話依家禽流感、豬流感(H1N1甲型流感)咁流行,應該唔會大家拍完都患咗禽流感病晒!」

對於同片的男主角古天樂,孟瑤大讚對方,更自爆在王晶引見下認識對方:「古仔認得我,真係令我受寵若驚!(叫王晶畀機會合作?)有講過,佢話一定會有機會,我好期待!」