港版黑Girl之一的溫雅妍（Crystal），正計劃與同公司的新邦民女陳嘉寶、Annie G.、A.Lin、DaDa Lo合作推出《Girl's Look Book》寫真集，她透露為拍三點式泳裝要被迫捱肚餓：「因為想以最佳狀態示人，我平時好少着泳衣，以前都有朋友叫我參加港姐，但怕着泳衣上台，所以冇參加，不過今次影寫真集係屬於健康性感，拍之前都唔食嘢，希望Keep到最Fit！」
近年口靚模競爭激烈，Crystal直言已有心理準備：「我畀咗個目標自己，想喺呢行發展兩、三年，我以前喺澳洲讀過書，如果真係唔得先轉行。（競爭激烈？）唔驚！大家路線唔同，大家各有優點取勝！」早前Crystal接拍了益力多的貧窮篇廣告，飾演慈母的她直言最難是要即場流出真眼淚：「驚喊唔出累街坊，好彩一埋位就入戲，非常順利！」