熱愛音樂的林一峰，將於本月二十四至二十七日假藝術中心舉行《山谷裏的一峰演唱會》，更能與他仰慕的北京民歌組合「小娟與山谷裏的居民」合作。「小娟與山谷裏的居民」是一女三男的組合，主音叫小娟，一峰說：「兩年前我喺北京睇過佢哋嘅演出，一開聲即刻驚為天人！佢哋出道十幾年，最近先正式出碟，佢哋嘅音樂好似不食人間煙火咁！可以淨化心靈，令我好羨慕！」由於「小娟」在港知名度低，問到會否怕影響銷情？一峰說：「唔驚！主要目的係介紹佢哋畀香港嘅朋友認識！依家已經賣緊飛，反應唔錯！」