方皓玟日前接受《娛樂on Show》主持陳振安及俞詠文專訪，大談由玉女搖身一變成為搖滾性感女的感受，她說：「呢個先係真正嘅我！之前係公司將我包裝成玉女啫！我唔介意性感，最緊要健康，其實我鍾意中性打扮多啲！」她更表示不介意成為女同志的目標：「我不嬲男女都鍾意㗎！而且女Fans一向都多啲！」換了新形象的她看似言行大膽，但當主持人要求她即場示範「自摸」舞姿時，她即時被嚇窒，不知如何是好，更以沒有音樂配合為由拒絕「合作」，場面爆笑！

轉走性感型格路線的方皓玟笑言，不介意成為女同志目標。	方皓玟接受《娛樂on Show》訪問時，被主持人要求示範「自摸」舞姿，頓時來不及反應，場面爆笑。	方皓玟未變身前一臉清純，與如今的Rock爆型女Look大相逕庭。

拒公開戀情

對於被指與監製Jacky拍拖，方皓玟始終不肯大方承認，更帶主持人遊花園，令俞詠文忍不住當場踢爆：「唔係喎！佢（Jacky）好似喺雜誌度認咗同你拍拖喇喎！」加上陳振安從旁猛烈追問，被「左右夾攻」的她惟有承認拍拖，但拒絕透露男友身份：「我係有拍拖！但即使被人影到我都唔會認！因為我覺得呢啲係私人事，要留番啲空間畀自己！」